Виш лаборант д-р Ѓорги Димков

Д-р Ѓорѓи Димков е роден во Скопје во 1964 година. По дипломирањето (1991 година) на Архитектонскиот факултет – Скопје при Универзитетот „Св. Кирил и Методиј“ во Скопје, во 2005 година на истиот факултет магистрира со труд под наслов „Компаративна анализа на реализираните градежни системи во станбената населба Аеродром – Скопје со индустриска префабрикација – аспекти на флексибилност и економичност”.

Во 2021 година ги завршува докторските студии на Архитектонскиот факулет при Универзитетот во Белград, Република Србија, со дисертацијата „Референтни модели бондручних и лаких монтажних објеката за Скопску област“.

Професионалната кариера ја започнува 1992. година како дипломиран архитект во студиото за ентериер и дизајн “Гема-проект„ во Скопје, а во 1995. година е избран за помлад асистент на Архитектонскиот факултет – Скопје при Универзитетот “Св. Кирил и Методиј“ во Скопје.

Неговото истражување се фокусира на различните архитектонските конструктивни системи и технологии на градба, преку анализа на применетите системи и конструкции во објектите од Македонската народна архитектура, системите применети во станбената населба Аеродром и во градот Скопје.