Ас. м-р Ана Рафаиловска

	+389 (0)2 3116 328 / 141
	Оваа е-адреса е заштитена од спамботови. Треба да ви е овозможено JavaScript за да ја видите.

 ОДЛУКА ЗА ЗВАЊЕ

М-р Ана Рафаиловска е родена во Скопје во 1983 година. По дипломирањето на Архитектонскиот факултет – Скопје при Универзитетот „Св. Кирил и Методиј“ во Скопје, во 2014 година се стекнува со титула магистер во областа на одржливата архитектура и урбанизам на Политехничкиот факултет во Милано, Италија.

Во 2021 година запишува докторски студии на Архитектонскиот факултет – Скопје, од областа на урбанистичкото и просторното планирање.

Во периодот од 2013 до 2014 година, како помлад соработник учествува во изведувањето на наставата по предметите Архитектонско студио 2 на Политехничкиот факултет во Милано (кампус Пјаченца). Во 2020 година е избрана за асистент на Архитектонскиот факултет – Скопје при Универзитетот „Св. Кирил и Методиј“ во Скопје.

Таа има стекнато истражувачко и професионално искуство преку едукативната работа и колаборативните проекти, кои вклучуваат партиципативна картографија и анализа на станбени структури и неизградени јавни простори. Нејзината експертиза е насочена кон социо-морфолошка анализа, инклузивно урбанистичко обликување и операционализација на теоријата на позаедничување .

Учествувала на 17., 18. и 19. Меѓународна изложба на архитектура – La Biennale di Venezia, како ко-автор на македонските национални павилјони, со проектите „NOW“ и „Strada Brutalissima“ и како ко-автор на египетскиот национален павилјон „Nile as laboratory“.

Други проекти, на кои учествувала се: COST Action CA18137 – European Middle Class Mass Housing (MCMH-EU), 2018–2022; COST Action CA18126 – Writing Urban Places: New Narratives of the European City, 2019–2023; ERASMUS+ – Urban Planning for Social Resilience in Urban Neighborhoods: Transformative Change through Civic Engagement (UPRUN) .